Usa ang natad sa turismo nga naapektuhan sa covid pandemic, mao kini ang gibutyag ni Neda Region 10 Director Myla Faye Aurora Cariño.

Usa ang natad sa turismo nga naapektuhan sa covid pandemic, mao kini ang gibutyag ni Neda Region 10 Director Myla Faye Aurora Cariño.

Midugang sa pag-ingon si Cariño nga ilang nakits nga dako ang lugi sa turismo sa rehiyon gikan niadtong March 15 ngadto sa Mayo 15, ning kasamtangang tuig.

Ang ilahang gikwenta mao ang gidaghanon sa local o international tourist og gi-multiply kini sa tourists' expenditures o ang kasagarang magasto samtang anaa dinhi nagsuroy-suroy.

Sulod lamang sa 45 ka adlaw, mga usa ka bulan ug tunga, gibana-banang mokabat sa p1,354,811,064 ang nalugi sa domestic tourism sa rehiyon.

Sa samang gitas-on sa mga adlaw, mokabat p1,440,516,109 usab ang nalugi sa international tourism.

Gisulti sa DOT-region 10 nga ang local o domestic tourist mogasto og p2,172.00 kada adlaw samtang ang international tourists, kasagaran kanila mogasto og p5,497.00 ang adlaw.

Base sa kadaghan sa mga turista nga moduaw sa tibuok rehiyon mao kini ilang nakuha nga sumada sa tourism sector sa Northern Mindanao.

Dugang pa sa DOT-R10 nga bisan pa og walaon na ang quarantine, base sa ilang survey anaa na lang sa 24% sa mga turista ang misulti nga mobiyahe ug mohimo sa ilang bakasyon sa pilipinas bisan pa man og tugotan na sila nga makalaag. Ang nahabiling 76% misulti nga dili na sila interesado mobiyahe ug magpuyo na lang sila sa ilang balay.

Gilantaw sa mga tourist ang gitawag nga new normal diin kinahanglan pa sad nga mohimo og mga compliance ang mga hotels ug resorts kabahin sa social distancing protocol and health protocols nga gisugo sa DOH.