Rep. Henry Oaminal, nalipay sa gipanghimo mga mayor nga sakop sa iyang distrito kabahin sa pagpanghatag sa relief goods ngadto sa katawhan

Kini human misunod ang mga nagkadaiyang lideres sa mga lungsod sa hiniusang gisabutan nga walay laktawan sa paghatag ug maong ayuda.

Gidayeg sa kongresista ang mga lokal nga opisyales tungod sa ilang gipanghimo ginamit ang maayong inisyatibo ug kahibalo.

Sa padayon niyang pagmonitor, nagpatawag si Oaminal ug lahi na usab nga meeting sa mga mayor uban si Gov. Philip Tan aron i-assess ang ilang pagpanghatag sa mga ginsakupan kabahin sa mga ayuda nga pagkaon.

Gisaysay usab ni Oaminal ang nahimo sa lungsod sa Clarin ug ang nahimo sa ubang lungsod.

Gipaklaro niya ang gipaabot sa tanan nga mao ang pagpanghatag sa siyudad sa Ozamiz, diin giuna ni Mayor Ando Oaminal ang mga naapektuhan gilayon nga residente ug trabahante.

Apil nga nahatagan ni Mayor Oaminal ang mga frontliners ug ayuda.

Kabahin sa pagpanghatag sa mga relief goods, kamulo na kini nga gihimo, panapos sa kongresista.