Rep. Henry Oaminal, nahiubos sa mga komento nga misaway sa gipanghimo nga paningkamot nilang mga lideres kabahin sa Covid-i9 crisis
Wala kapugngi ni Rep. Henry Oaminal nga makasulti batok
sa mga migawas sa dili maayong istorya kalabot sa ilang mga pagtabang sa
katawhan niining covid-19 crisis.
Midugang ang kongresista nga maayo ug nindot ang pagtipig
sa kwarta sa katawhan hinungdan nga dili lisod ang pagpanghatag sa ayuda nga
gikinanahanglan.
Nanghinaut si Oaminal nga dili na lang mopagawas ug
susamang mga komento nga makadalahig sa uban ug makawala sa gana sa panerbisyo.
Dugang namahayag si Oaminal nga kung walay nindot nga
ikasulti o ikapasalamat sa nanghatag, maghilom na lang.
Gibutyag niya nga ang pagpagawas ug dili maayo nga mga
komento ug ang pagsabwag sa mga sayop nga impormasyon sa social media o sa
bisan asa nga media platform nagdala ug silot gikan sa balaod.
Gipasabot ni Oaminal ngadto sa tanan unsay mahitabo sa
mga magpakatag sa mga sayop nga istorya dinhi sa probinsiya.
Karon, miawhag siya nga magtinabangay na lang ang tanan
para walay masakitan.