Rep. Henry Oaminal mipasabot ngano nga mitabang siya sa ubang lungsod nga anaa sa unang distrito

Maklaro nga tanang lugar sa Pilipinas ang apektado sa pagkuyanap sa corona virus ug busa kinahangalan molihok ang nagkadaiyang mga opisyales usab alang sa pagtabang sa ilang mga ginsakopan nga walay pagpihig o pagpili si kinsa, kini ang sulti ni Rep. Henry Oaminal.

Midugang ang kongresista pagsulti nga ang serbisyo sa mga opisyales ngadto sa katawhan alang sa tanang panahon, may krisis man o wala dili ug dili usab angay ang pagbalibad ug hatag sa angayang tabangan kung kini mihangyo ug tabang busa dili gayod pilion o balibaran.

Kalabot niini, gitubag sa kongresman ang pamahayag sa iyang kauban nga kongresista sa uno distrito nga si Rep. Diego Ty nga wala siyay labot sa unsa mang kalihokan sa distrito ni Ty, partikular ang pagtabang ni Oaminal sa Jimenez kay dili man kini matod pa iyang sakop nga lungsod.

Gawas sa lungsod sa Jimenez, gibutyag ni Oaminal nga mihatag usab siya sa iyang tabang sa ubang lungsod sa distrito uno nga nangayo ug tabang kaniya.

Dugang sulti sa kongresista nga dako ang napagawas niya nga pundo niining mga lungsora ug wala siya magkwenta ug balos.