Mipadayag bag-uhay pa lamang si Congressman Henry Oaminal
sa update samga kaso sa nataptan sa corona virus.
Padayon ang pag-awhag ni Oaminal ang pagtinabangay sa
tanan aron dili gayod mokuyanap nganhi ang corona virus.
Niadtong pipila ka adlaw nga milabay, adunay nagpositibo
nga pui nga gikan sa usa ka
lungsod ning probinsiya ug gipailalom dayon sa quarantine ug giobserbahan.
Gibutyag sa kongresista nga mitabang dayon siya lungsod
sa jimenez diin asa gikan ang maong pui,
bisan gani nga dili niya sakop sa distrito ang maong lungsod.
Dugang sulti ni Oaminal nga wala siya galantaw ug asa
nahimutang ang loyalty sa lgu sa jimenez, ang iya lamang mao ang pagtabang kay
kauban ra sa tibuuk probinsiya ang nahisgutang lungsod ug nanginahanglan kaayo
sa hinanali nga ayuda.
Gilantaw usab sa kongresista nga adunay maayo ug daotan
nga epekto ang corona virus sa kadaghanan sa katawhan sa probinsiya.
Uban niining panghitaboa, mihangyo si Oaminal sa pag-ila
sa paghago sa mga frontliners ug dili angay pakitaan ug diskriminasyon.