TUDELA,
MISOC--Nakighiusa ang lungsod sa Tudela sa unsay gihimo sa national ug
provincial government kabahin sa pagkuyanap sa corona virus sa nagkadaiyang
lugar, mao kini ang hugot nga pamahayag ni Mayor Samuel Parojinog.
Gihimo
nila ang pagpanghatag nga walay pili ug walay pagdapig ni bisan kinsa ug
gibahin pa sa kapila ka hugno ang gihatag nga ayuda, apil ang mga frontliner sa
lungsod nga naghago ug nagbudlay.
Gipaniguro
ni Parojinog nga gihimo niya ang tanan
ug gipahugtan nila pag-ayo ang ilang mga agianan batok sa mga tawo nga
gidudahang nagdala sa corona virus nga molugos ug sulod sa Tudela.
Gibutyag
sa mayor nga anaa usab silay gipanid-an nga mga pui hinungdan nga strikto ug
naghinay sila.
Dili
angay mosupak ang si bisan kinsa nila kay siguradong adunay madawat nga silot
ug mag-atubang sa kaso
Apil
nga gilantaw sa mayor ang social distancing o pagpalayo sa matag usa ug dili
magtapok-tapok ang mga tawo sa bisag asa.
Ang
nakatabang ug samot, dugang sa mayor, mao ang pagpaminaw sa mando gikan sa taas
nga namunoan aron makahulma usab ug kaugalingong mando nga sundon alang sa
katawhan sa iyang lungsod
Makaagwanta
pa ang mga tawo, basta magdisiplina lang sa kaugalingon, panapos sa mayor.