Kongresman Henry Oaminal, mihagit sa mga frontliners sa pag-imposar sa balaod sa quarantine nga striktohon

Aron masiguro ang pagpakigbatok sa kagamhanan kontra sa pagkuyanap sa corona virus ug malikayan ang paspas nga pagtakod, mihagit si Kongresman Henry Oaminal sa mga frontliners sa pagbuhat sa angayang buhaton.

Gawas niini, gipahinumdoman sa kongresista ang mga frontliners nga aduna pa silay lain nga importanteng atimanon ug dili lamang nagalantaw sa pag-quarantine.

Gidayeg ni Oaminal ang gihimo sa lungsod sa Tudela kabahin sa pagpang-apod nila ug food packs ngadto sa ilang mga residente

Dugang pamahayag sa kongresista nga ang pagpanghatag sa ayuda karon wala niya gipihig kay nasayod siya nga ang tanan apektado man sa covid19 dinhi sa probinsiya.

Giingon ni Oaminal nga adunay pinasahi nga iyang gihatag ngadto sa mga mibulontaryo nga frontliners isip iyang speaker’s initiative aron mapaambit niya ang kalipay ngadto kanila tungod sa dedikasyon sa pag-alagad.