Kongresman Henry Oaminal, gipatawag ang tanang frontliners sa mga lungsod sa segundo distrito aron hatagan sa covid cash allowance ubos sa speaker’s initiative funding

Usa ka panagtapok ang gipatawag ni Kongresman Henry Oaminal diin mitambong didto ang nagkadaiyang lumilihok sa mga lungsod sa iyang distrito pinanguluhan sa ilang mayor.

Sa iyang mensahe, misulti si Oaminal nga ang nasinati nga problema sa tibuok nasod karon lahi sa uban sukad kaniadto.

Miingon ang kongresista nga apektado ang nag-kalain-laing lugar sa tibuok kalibutan sa corona virus ug daghan ang nataptan niini, dako ug biya kung itandi kanato dinhi sa o Misamis Occidental nga wala kaayo naapektohi apan adunay nagpositibo gayod.

Kung wala pa unta kini nahitabo, sulti ni Oaminal nga makadeklara na unta ang probinsiya ug covid-free.

Gibutyag usab niya nga gisunod sa probinsiya ang direktiba ni Presidente Digong Duterte nga pinikito ang pagpahamtang sa quarantine laws.