Ang tanang lideres Misamis Occidental nagkahiusa sa
pagpanghatag sa ilang ayuda alang sa tanang nanimuyo ug naapektuhan sa corona
virus, mao kini ang sulti ni Rep. . Henry Oaminal.
Gisaysay ni Oaminal ang mga lugar nga nagsugod na sa
pagpanghatag ug ang nagkamulo pa as pagpanghatag sa dihang miatubang siya sa
media bag-uhay pa lang.
Malampuson ang team effort nila tanan ug nanghinaot ang
kongresista nga mao usab ang angay himoon sa mga residente sa mga lungsod ug
mga siyudad sa probinsiya.
Kinahanglan ang hiniusang lihok alang sa pagpakgang sa
corona virus nganhi ning probinsiya hinungdan nga angayan usab lantawon kung
unsay nahimo sa iyang mga ginsakupan, matod pa sa kongresista.
Dugang ni Oaminal, walay makapangutana kung makatabang ba
ang mga kongresista o dili kay andam kaayo sila mogahin sa gikinahanglang ayuda
basta sibo sa gisulat sa balaod.
Kabahin sa iyang tabang nga mikanaug sa ubos ngadto sa
tanang kabarangayan, miingon siya nga giubanan kini ug tampo sa gobernador ug mga
nagkadaiyang mga mayor.