Gidawat sa probinsiya ang lima ka seafarers nga nanguli sakay sa barko sa 2GO gikan sa Manila

OZAMIZ CITY--Namahayag si Gov. Philip Tan ilang gidawat ang lima ka seafarers nga miuli gikan sa Manila og misakay sa barko nga midunggo kagahapon sa pantalan ning dakbayan.

Miingon si Tan nga ang desisyon nakab-ot human siya nakigkonsulta sa iyang vice governor, sa provincial board members, provincial health officer, DOH ug MHARS-MC, ang referral hospital nga nahimutang dinhi.

Giklaro sa gobernador nga usa ka gitudlong medical officer ang mohimo sa rapid antibody testing sa lima ka pasahero, dayon lantawon ilang mga dokumento og pagkahuman mopadala kanila sa tagsa-tagsa ka mga holding facilities sa ilahang mga local government units

Namahayag usab si Mayor Ando Oaminal nga gidawat niya ang duha sa lima ka seafarers nga miuli og sakay sa barko

Sa iyahang facebook post, gibutyag sa mayor nga ang duha ka pasahero nga taga-Ozamiz og midesisyon siya nga pakanaugon ang duha.

Gisaysay ni Oaminal ang nahaunang sulti ni Tan nga tagboon sa Task Force Covid-19 sa siyudad ang duha ka pasahero, mopailalom sa rapid antibody testing, i- process ilang mga dokumento ug dalhon sila diretso sa designated isolation area.

Midugang ang mayor nga asikasohon niya ng duha ka returning residents ug ihatag ilang mga gikinahanglan hangtod nga mahuman nila ang ilang regulated quarantine period.

Hugot nga gidili ang mga miyembro sa pamilya sa duha ang pagduaw kanila samtang gipailalom sa quarantine

Nagpasalamat usab ang mayor kang sen. Cristopher "bong" go tungod sa iyang balik probinsya malasakit voyages program. (M. MEDINA)