Department of Information and Communications Technology (DICT), planong himoon ang mga internet cafes ngadto sa digital classrooms ug work areas
Adunay pamahayag nga gipagawas ning bag-o
ang Department of Information and Communications Technology (dict) nga plano nilang himoon ang
liboan ka mga internet cafes sa tibuok nasod ngadto sa usa ka digital classroom
ug work areas samtang ang nasod kamulong milabang sa ngadto sa "new
normal" taliwala sa coronavirus pandemic.
Ang maong ahensiya miingon nga adunay
igong pundo aron i-prioritize ang paghimo og paspas unya low-cost internet sa
mga barangay aron katabangan ang mga estudyante ug nanarbaho nga kinahanglang
makakuha og connection sa internet.
Hangyoon sa dict ang mga internet
service providers nga i-improve unya ang connectivity niining mga digital
classrooms ug workspaces ug plano nila karon nga pausbawan ang internet speed
ngadto sa sobra 3,600 ka eskwelahan sa dili pa moabri ang klase karong agosto
24.
Kahibaloan nga menos sa 50 porsiyento sa
public schools sa tibuok nasod ang adunay reliable internet connection, mao
kini ang gisulti ni Deped Undersecretary Nepomuceno Malaluan.
Una nang namahayag ang Deped nga morag
dili pa gyod mahimo ang face-to-face learning sa mga lugar nga gikonsidera nga
moderate ngadto sa high risk sa covid-19 contamination ineg abri sa klase sa
agosto.
Ang House Bill no. 6623 o ang new normal
for the workplace and public spaces act of 2020, nga gipasar bag-uhay pa lang
nag-awhag og safety measures and protocols sa mga nagkalain-laing mga lugar sa
nasod samtang nag-adjust kini sa “new normal” taliwala sa covid-19 pandemic.
Ubos sa balaodnon, ang mga publiko ug
pribadong education institutions giawhag nga i-prioritize ang paghimo og online
platforms of learning, instruction, and evaluation.
Apil niini ang rotational, staggered, ug
work-from-home operations sa tanang trabahante sa gitawag nga new normal
workforce ug workplace management plan.
Anaa usa sa balaodnon ang universal ug
mandatory guidelines, sama sa pagsuot og masks sa publikong lugar ug
workplaces, physical ug social distancing, ingon man ang mandatory temperature
checks sa tanang closed ug semi-closed areas.
Comments
Post a Comment